Manarimaan iti inspection ti Provincial Assessor’s Office kadagiti amin a Provincial roads ti locos Norte para iti pannaka tax declaration dagitoy.
Daytoy ti naammuan ken Engr. Herminio Castillo, mangidadaulo ti Provincial Assessor’s office iti kapitolio probinsial.
Kunana a kabinnulig ti opisina da iti nasao a tignay manipud iti Provincial Engineering Office, Provincial Treasurers Office ken dadduma pay a maseknan a pangopisinaan iti probinsiya.
Inpalgakna a nalpas dan iti ili a Bangui, Burgos, Pagudpud, Vintar ken iti ili a Bacarra ken madama met ita iti ili a Marcos, Dingras ken iti Batac City.
Kunana a dagiti met nakita da a nadadael a provincial roads ket matarimaan dagitoy babaen iti panangpundo ti Dept. of Interior and Local Government ken ti gobierno probinsial.
Innayon ni Engr. Castillo nga itultuloy da ti panag inspect tapno maiproseso iti pannaka tax declaration amin dagiti Provincial roads kas paset pay laeng iti programa ni Gob. Mathew Marcos Manotoc.
(Source: Provincial Government of Ilocos Norte)