Gimando sa Provincial Veterinary Office (PROVET) ngadto sa mga kabarangayan nga i-hold usa ang tanang baboy ug dili ipagawas sa barangay samtang wala pay resulta sa mga sample sa baboy nga gisupetsahan nga dunay kaso sa ASF.
Kini human bag-ohay lang adunay mga baboy nga gisuwayan og sibat ug walay mga igong dokumento nga gipakita ang nababagan diha sa lungsod sa Tagoloan, Misamis Oriental.
Gitaho ni Provincial Veterinary Office Head Dr. Benjamin Resma atol sa senimanang pagpakayab sa nasudnong bandila adlaw nga Lunes nga niadtong Hunyo 8, 2021 adunay nababagan nga tulo ka baboy nga gikan mismo sa Sta. Ana lungsod sa Tagoloan.
Gisuwayan og sibat ang tulo ka mga baboy dihang ang team nagkuha og mga samples sa dapit human adunay gisuspetsahan sa ASF.
Sa pagtoung pang-imbarguhon og lakip ang maong mga baboy gisuwayan og sibat nga pagadalhon unta sa siyudad sa Cagayan de Oro apan nababagan sa Municipal Agriculture Office sa lungsod sa Tagoloan.
Ang barangay nagdumili na sa paghatag kanila og Barangay Certification alang sa nasangpit nga kargamento ug gimandoan sila nga mobalik ug i-uli ang nahisgutang mga baboy kon asa kini nila gipalit gumikan ang tanang baboy sa barangay gi-hold ug dili sa ibiyahe hangtod wala pay resulta nga mogawas sa mga sample nga gikuha.
Apan giingong nagmagahi ang biyahero ug dalahon unta kini sa Cagayan de Oro maayo na lang nababagan sa MAO sa lungsod.
Gikuhaan kini og swab samples ug giabisohan ibalik sa lugar kon asa kini napalit.
Aron dili na masubli ang maong insidente naghangyo ang PROVET nga unta mosunod sa mga gabayan ang mga kabarangayan aron dili motabok ang kaso sa ASF kon ugaling magpositibo.
“Atong gihangyo ang barangay nga wala say pagatugutan nga baboy nga makagawas sa barangay samtang gahulat kita sa result,” kini ang pahimango sa PROVET dili lang sa nasangpit nga lungsod apan tanang lugar nga adunay gisuspetsahan nga kaso sa ASF.
(Source: Misamis Oriental Provincial Information Office Facebook page)