DINAGAT ISLANDS – Gisurvey na sa Provincial Planning and Development Office pinaagi ni Provincial Planning Officer Jorge Daligdig uban ni Provincial Architect Head Officer Edsel Castro ug Provincial Engineering Office Engineer Fe Consuelo Botanas, Planning Division Engineer IV John Kessi Dela Merced ang bag-ong pagatukorong Provincial Sports Center sa Sitio Iring-Iring, Barangay Wilson, San Jose probinsya sa dinagat.
Sumala pa ni Provincial Architect Castro nga adunay 10,000 sqm kon usa ka hektarya ang kadak-on sa pagahimuong sports center na adunay two storey bleachers ug rentable space diin may partial estimated budget nga nagkantidad sa 20 milyones ka pesos.
Dugang pa ni Castro na, ila pang ipakita sa kay Provincial Governor Nilo Pepito Demerey Jr. ang project design kong duna bay iyahang ikatampo sa maong proyekto aron mas maka-aligri pa ang desinyo ngadto sa mga tawo.
Matod pa ni Castro, nga sa dili pa matapos ning kasamtangang tuig pagasugdan na ang maong plano ug sa tuig 2024 mamahimo nang sugdan ang bag-ong sports center sa isla sa dinagat.