Misamut ang kakulangon og nurse sa mga pribadong ospital samtang gadugay ang pandemic. Segun ni Private Hospitals Association of the Philippines (PHAP) President Dr. Jose Rene De Grano nga anaa sa katunga sa mga nurse sa ilang tambalanan ang nangawala mahitungod sa lain-laing rasun. Tandi niini ang libuan nga mihawa sa nasud o mibalhin sa government facilities.
Samtang supak usab ang PHAP sa pahayag sa Department of Labor and Employment (DOLE) nga may sobra 400,000 ready-to-work nurses pa sa Pilipinas, tungod wala matud kini basehan. Dugang gikanayon sa PHAP President nga nalugi sila sa unang pag-igo pa lang sa COVID-19, maong nalisdan hangtud karun nga makabawi.
Sa kasamtangan, problema usab ang suplay sa bakuna gumikan kay ang government hospitals ang unang nahatagan apan padayon ang pagdawat nila og mga bag-ong pasyente nga may deadly virus.
(John Rey Somido)