Mabulokong gisaulog ang pag apod-apod sa mga luna sa mga mag- uuma sa Zampen,diin gipanguluhan sa Gobernadora sa probinsya sa Zamboanga del Norte Rosalina “Nanay Nene” Jalosjos,ug gisuportahan ni Presidente Ferdinand Marcos Jr. inubanan sa Department of Agrarian Reform (DAR) Secretary Conrado Estrella lll diin usa kini sa program sa nasud, karong adlawa Mayo 24 ,2024, Zamboanga del Norte Convention Center ning syudad.
Ang maong programa usa kini sa mga saad sa administrasyon nga mahimong makahatag ug saktong paningabuhian ug hapsay nga pamuyo sa mga mag-uuma diin dugay na kaayo nga panahon nga ila kining gihandom nga pormal ng makapanag- iya ug mahimuan ug titulo nga maana na sa ilang pangalan.
Ang mga benepisyaryo gilangkuban sa probinsya sa Zamboanga Sibugay, Zamboanga del Norte ug Zamboanga del Sur.
Kahibaloan adunay kinatibuk-ang 4,956 certificates of land ownership awards (CLOAs) ang gipanghatag sa maong aktibidad. Adunay 3,950 nga mga titulo nga gipanghatag ilalom sa proyekto nga SUPPORT TO PARCELIZATION OF LANDS FOR INDIVIDUAL TITLING (SPLIT)sa DAR, ang nasobrang 1,006 mga regular kining titulo nga gipagawas ubos sa comprehensive reform program.
Ang maong aktibidad gitambongan kini sa mga opisyales sa tibuok ZamPen, apil nah ang mga Gobernadores, Mayores, Board Member, benipesyaryo ingon man mga Local Media practitioners, Regional Media ug National Media.
Sa wa pa maabot si Presidente Ferdinand Marcos Jr. ang mga media gapahigayon ug interbyo kabahin na sa programa ug ang matag usa sa mga opisyales ug mipadangat sila sa tagsatagsa ka mga mensahe diin mapasalamaton sila ug daku ngadto sa Presidente sa dakung tabang sa ilang mga katawhan sa ilang lungsod nga dugay ng gihandom sa mga mag uuma apil na ang mga machineries nga gihatag aron mapadali ang pag ugmad sa ilang mga yuta sa sayon nga pamaagi.
Matud pa sa usa ka benipisyaryo daku kaayo ilang kalipay nga naangkon na gayud nila ang maong yuta nga dugay na nilang gipangandoy nga maila.Ug mapasalamaton usab sila kang President Marcos nga wa maglangan sa paghatag kanila diin ang maong yuta didto nila kuhai sa ilang paningabuhian para sa inadlaw nilang panginahanglanon. (Angelica T. Obina)