Usa ka 17 anyos nga menor de edad ang nasakmitan ug ilegal nga drugas sa gipahigayong nga drug buy-bust operation sa mga otoridad,mga alas 12:28 sa kadlawon, didto sa Purok Isla Digami, Brgy. Turno, ning dakbayan Dipolog, Huwebes, Mayo 23, 2024.
Ang maong menor de edad naila nga si Stephen Niel Sabobo Gabales 17 anyos, lalaki, menor de edad, estudyante, ug residente sa Purok Dwarf Santan, Gulayon, Dipolog City, Zamboanga Del Norte, kinsa gituohan nga usa ka SLI.
Nasikop kini pinaagi sa mga personahe sa Dipolog CPS (SDET) pinangulohan ni PLT BERJOHN TIANOK (lead unit) kauban ang RDEU 9, ZNPDEU, 1st ZNPMFC ug sa pakig-alayon sa ZN PDEA 9.
Nasakmit gikan sa possession ug control sa menor de edad atol sa operasyon mao ang ; Usa ka pakete sa small sized heat-sealed transparent plastic sachet nga gituohang “shabu” isip buy bust evidence; Usa ka pakete nga small sized heat-sealed transparent plastic sachet nga gituohang “shabu” nakuha gikan sa pagkontrolar ug paghupot sa gi-recue nga menor de edad; Usa ka piraso sa P1,000 bill isip buy bust money ug usa ka piraso sa P50 bill.
Ang narekober nga Drug Evidence adunay gibana-bana nga gibug-aton nga 1 ka gramos ug adunay standard drug price nga mobalor sa ₱6,800 ka pesos.
Ang mga nakumpiska nga drug items i-turn over sa ZDN Provincial Forensic Unit alang sa eksaminasyon.
Samtang, ang menor de edad gitanggong ubos sa protective custody sa Dipolog CPS Women and Children Protection Section alang sa tukmang disposasyon ug mag atubang sa kasong kalapasan sa RA 9165. (Medalyn U. Borja)
(Source: Dipolog CPS)