Davao City— Naghimo na ug Preemptive Evacuation ang Lokal nga Kagamhanan sa syudad karong adlawa una pa man mahitabo nga mag Landfall ang Bagyong Chedeng didto sa Davaop Occidental karong adlawa. Kagahapong adlawa nagpagawas na ug pahimangno ang Lokal nga Kagamhanan alang sa pagkansilar sa klase karong adlawa sa tanang Level gumikan sa way hunong nga pag uwan.
Nasayran nga ang Philippine Atmospheric, Geophysical and Astronomical Services Administration (Pagasa) nagpahibalo nang daan nga ang tibuok rehiyon onse gipailawom sa Tropical Cyclone Warning Signal number 1. nalakip usab sa Signal 1 eastern portions sa North Cotabato, South Cotabato, Sarangani, ug ang Sultan Kudarat.
alas kwatro pa lamang sa hapon kagahapong adlawa ang Davao City Disaster Risk Reduction and Management Office (CDRRMOnagmando alang sa preemptive evacuation sa mga lugar sama sa Matina, Crossing, particular na sa Purok Guadalupe, Quiniones Compound, Pluto, Milky Way and Virgo streets sa GSIS Heights, Shrine Hills Diversion Road; ug DDF Village sa Mandug; Purok Damayan sa Barangay Buhangin; ug Juario Village, Purok 9, Nacilla Village sa Shrine Hills, Dinaville Subdivision, Iñigues Village sa Maa; Awhag Subdivision (Davao River Bank) sa Barangay 19; ingon man sa Diversion Road (old dumpsite) sa Matina Pangi.
Pinasubay sa Pagasa Severe Bulletin #7, nga gipagula alas otso kagabii , ang Tropical Depression Chedeng posibleng mag landfall bisan unsang orasa karong adlawa sa Davao Orientaal o dili kaha sa Davao Occidental. Alas siete kagabii, nagpabilin nga anaa sa 45 kilometer per hour ang Maximum Wind sa Bagyong Chedeng ug dunay 60 kilometer per hour ang Gustiness. Ang bagyong Chedeng anaa sa 205 kilometers east southeast sa Davao City or 260 kilometers east sa General Santos City pasado alas siete kagabii.