KONGRESISTA SA SUGBO NANGUSOG PAGPADALI SA PAGLUSOT SA HABAL-HABAL “BILL”

0
57

Gitinguha sa mga Suboanong kongresista nga mapadali ang pagpalabang sa House Bill 8959 nga naila nga Habal-Habal “bill” atol sa subling pagbukas sa kongreso human sa eleksiyon.

Ang Habal-Habal “bill” nagtinguha paghimo’g kausaban sa pipila ka probisiyon sa R.A. 4136, ang naila nga Traffic Code of the Philippines aron mahimong “legal” ang motorsiklo isip usa ka “public utility vehicle”.

Si Cebu City-North District Congressman Raul Del Mar nalakip sa mga magbabalaod nga nangusog aron mapadali ang pagpalabang sa kongreso sa Habal-Habal “bill”.

Gusto sa Kongresista nga malakip sa “agenda” sa Senado ang pagtuki sa Habal-Habal “bill” sa higayon nga subling mobukas ang kongreso human sa May 13 “election”. Gikatakda nga mo-“adjourn” ang kongreso sa Hunyo 8, 2019.

Gipasabot sa Kongresista nga naduso na nila ngadto sa Senate Committee on Public Services ang Habal-Habal “bill” apan wala na kini matuki sa senado sanglit mi-“adjourn” na man ang “session” tungod sa “election period”.

Matud ni Kongresista Del Mar nga ilang gi-awhag sila si Senador Grace Poe, Chairperson sa Committee on Public Services ug si Senador Ralph Recto, “author” sa “senate version” sa Habal-Habal “bill” nga dali-on ang pagpalabang sa hini-usang “version” sa balaodnon sa dili pa hingpit nga motak-op ang “session” sa kongreso karong Hunyo 8, 2019.

Leave a Reply