Iriga City – Tanganing mataw’anan nin proteksyon an mga kababaihan orog na sa panaabusong sekswal, dagos ng ilinansar kan Camarines Sur Police Provincial Office an programang “kaskas” O Kasurog an Sociodad Kontra Abusong Sekswal.
Ini an tinaw’an nin duon ni P/Col. Bernardo Perez, Provincial Director kan PNP sa Camarines Sur katakod kan padagos na paglangkaw nin kaso pan-aabuso sa mga kababaihan.
Sinabi kan opisyal na itinangod ninda an programa sa selebrasyon kan National Women’s Month Celebration sa nasyon ngunian na bulan na Marso.
Nagtutubod an opisyal na kun igua nin maray na komunikasyon sa laog kan pamilya, natutukduan an mga kababaihan orog na an mga juven sa pag-protiher kan saindang sadiri asin may pagmakulog an mga nakakamasid sa kapalibutan makakaibitar an gabos sa nasabing pan-aabuso.
Sa rehiyon kan Bicol an Camarines Sur an may pinaka-halangkaw na kaso nin pan-aabuso sekswal sa mga kababaihan, sigun sa pahayag ni Col. Perez. (Melvin Barayoga, RPN DZKI Iriga OIC)
(Source: PNP Camarines Sur, photo courtesy of Baao Municipal Police Station (MPS))