Radio Philippines Network
DXDX GenSan News Provincial News

Pito (7) Ka Municipal Police Station Sa Sarangani Province Nakadawat Og Dungag Nga Mga PPE Suit

Nakadawat na usab og dungag PPE kon personal protective equipment suit ang pito (7) ka municipal police station sa probinsya sa Sarangani, hilabi na kadtong mga police nga myembro sa municipal contact tracing team.

Gipang-apud apod kini ni Police Lt. Col. Neil Wadingan, ang labaw sa investigation unit sa Sarangani Provincial Police Office nga maoy gituboy nila Governor Steve Chiongbian Solon ug PNP Sarangani Provincial Director Col. Michael Lebanan nga manguna sa Sarangani Provincial Contact Tracing Support Group.

Direktiba nang daan ni Governor Solon nga panagaan og mga PPE suit ang mga frontliner dili lang ang mga taga-hospital aron masiguro nga ang tanang naglihok ug nagtrabaho nga dili na mudaghan pa ang matakbuyan sa Coronavirus ang protektado sa kanunay ang ilang mga kinabuhi.

Una nang gibutyag ni Provincial Health Officer Dr. Arvin Alejandro nga usa sa labing importante sa tracing program sa Sarangani Province mao ang aktibong paglihok sa kapulisan. Trained ang PNP sa investigation technique ikumpara sa mga health personnel maong lauman nga daghang impormasyon ang makuha inig utingkay kung kinsa ang mga close contact sa nag-positibo.

Napulo (10) na ang namatay taga-probinsya sa Sarangani nga konektado sa COVID-19. Tulo (3) gikan sa Maasim, tulo (3) pud taga-Kiamba, duha (2) gikan sa Glan ug duha (2) usab taga-Alabel. Pamahayag ni Lt. Col. Wadingan, pirme managana ug mutuman sa personal safety protocols. Nasayod naman matud pa ang kadaghanan nga hapit madisgrasya ang kinabuhi ni Malapatan Mayor Jun Sumbo tungod sa makamatay nga Coronavirus.
(Provincial Information Office – Sarangani)

Related posts

Pagpagawas Ni Labella Sa Ngan Sa Mga Sitio Nga Gitakdang Ipa Ubos Sa Lockdown, Naka Mugna Ug Lain Lain Reaksyon

RPN

Arrest Of Other Wanted Person In Polanco MPS

RPN

Mandayagay Nan Lubi Naghikog-Patay

RPN