31.2 C
Manila
Friday, March 29, 2024

Clearing Iti Siyudad Ti Laoag, Maituloy Inton November 16 Iti Daytoy A Tawen

- Advertisement -

Dinawat ni Laoag City PNP Chief Rafael Lero iti kooperasyon dagiti umili kangrunaanna kadagiti addaan ti pasdek negosyo iti siyudad ti Laoag.

Ituloy man ngaminen ti gobyerno iti syudad ti road clearing operation kadagiti kalsada a sakup ti siyudad  kas koma iti National Highway, Provincial ken City road ken uray dagiti Barangay roads.

Paset daytoy iti panangsurot ti direktiba ni Presidente Rodrigo Duterte a nasken a madalusan dagiti kalsada tapno nawaya dagiti dumalyasat a lugan.

Inlawlawag ti Hepe a saan a baro a direktiba ti Road Clearing no di ketdi, maituloy laeng a temporaryo a napasardeng gapu iti pandemya nga ingubuay ti Covid-19.

Saan a mailibak kunana nga adda dagiti pasaway, nga iti laksid a naikkat idin dagiti maka-abbeng ti annayas ti trapiko, in-inut manen a nagsubli.

Kangrunaan a makita a problema ket ti panag-parking dagiti lugan ken dagiti nagsubli nga stalls kadagiti kalsada.

Ngem ita a gundaway kunana, sublian manen ti Road Clearing Team dagiti naduma-duma a kalsada mangrugi inton November 16 aginggana inton December 11 iti daytoy a tawen.

Ummuna dagiti urban barangays ken sumaruno dagiti rural barangays.

Kuna pay ti Hepe a maipaimanton iti Barangay Chiarman iti pannakaimplementar ti Road Clearing iti mismo a barangayna. Ket no adda dagiti saan a masurot wenno saan a nasayaat ti pannaka-implementar na, isunan ti agsungbat iti DILG.

Kadua ti pulis a mangimplementar ti Road Clearing ket ti City Engineering Office, City Disaster Risk Reduction Management Office ken dadduma pay nga ahensiyas iti syudad ti Laoag.
(OIC Rodrigo G. Sadian, RPN DZRL Batac)       

(Source: LGU LAOAG CITY)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -