Cagayan de Oro – Nagmalampuson ang tulo ka adlaw ug pinakaunang Open House Exhibit sa PHIVIDEC Industrial Authority.
Sa opening ceremony niini, personal nga gisaksihan ni PHIVIDEC Administrator and CEO Atty. Joseph Donato Bernido diin iyang gibutyag nga ang maong exhibit usa ka opurtunidad nga mahimamat ug mahalobilo ang mga locator niini ug mapakita usab ang ilang mga produkto.
Mukabat sa kapin 20 ka mga exhibitors ang misalmot sa maong kalihukan.
Gitapos ang ulahing adlaw niini pinaagi sa usa ka komsyerto kauban ang banda sa 4th Infantry Diamond Division ug Sphynx, lakip usab sa ulahing adlaw niini ang usa ka Contract signing tali sa water bulk supplier nga Equi-Parco ug sa PHIVIDEC miamo nga nagtinguha sa pagsupplay sa tubig sa tibuok estate.
Ang maong kalihukan, parti kini sa ika 50 anyos nga kasaulogan sa PHIVIDEC.
News and photo by Cheleste Simene