Malampusong nasubhan gahapong adlawa agusto 14 ning tuiga ang dakong duha ka dagkong proyektong panubig ug enerhiya sulod sa estate sa PHIVIDEC Industrial Authority nga nahimutang sa may lungsod Tagoloan Misamis Oriental.
Una niini ang kabahin panubig sa lugar diin mao ang Ground Breaking Ceremony ug Capsule Laying sa PHIVIDEC Bulk Water Supply Development Project diha Sta. Ana Tagoloan, Misamis Oriental.
Ang maong proyekto, bunga sa kasabutan tali sa nahisgotang Industriya ug sa Equi Parco Bulk Water diin usa usab sa ilang mga locator.
Matud ni PHIVIDEC President and CEO Atty Joseph Donato Bernedo nga ang maong proyekto nabahin sa duha ka phase diin unang makabenipisyo niini ang norte nga bahin. Tinguha usab sa maong proyekto ang pagsuply sa tanang mga locators ug lakip ang mga panimalay sulod sa estate nga mapahimuslan 2 ka tuig gikan sa ground breaking niini.
Sa laing bahin, gipahigayon sa FDC Green Energy Corporation ang Ceremonial Groundbreaking sa 20.75 Megawatt-Peak Solar Power Plant sa Brgy. Sta Cruz, Tagoloan, Misamis Oriental.
Ang maong proyekto nagtumong sa pagmugna ug 20.75 Megawatt-Peak Solar Power Plant nga maka generate ug 32, 703 kilowatt-hours nga enerhiya matag tuig nga maka supply ug kuryente sa sobrag 5000 ka balay pinaagi sa renewable clean energy.
Makadaginot usab kini ug moabot sa 21,000 tons nga carbon dioxide emissions.
Hisayran nga ang maong proyekto naglangkob sa pag install ug subrag 35,000 ka monocrystalline solar panels sa 18.85 hectares nga land area ug gilaomang magamit na sa unang kwarter sa tuig 2025 diin makasupply kini ug kuryente sa mga Locators sa PHIVEDEC ingon man sa mga residente sa kasikbit nga dapit.
Ang duha ka mga proyekto, gisubhan ug gitunong sa kasaulogan sa golden year anniversary o ika 50 nga anniversaryo sa Phividec Industrial Authority.
News and photo by Radyo Ronda CDO News Team