General Santos City – Gikumpirma ni Merlita Gludo, Chapter Administrator sa Philippine Red Cross-Gensan nga adunay igong supply sa dugo ang ilang buhatan sa kasamtangan.
Kini tungod daghan matud pa nga mga grupo ang nag-organisa ug Blood Letting Activity sugod niadtong bulan sa Pebrero.
Dugang pa niini nga sa karon, adunay kapin sa 500 bags sa dugo ang ilang stocks ug gani niadtong nakalabayng adlaw, aduna pay blood letting activity nga gihimo sa lungsod sa Kiamba ug Malungon, Sarangani Province.
Gipunto pa sa opisyal nga dakong tabang gyud ang mga ginahimong blood letting activity sa mga nagkadaiyang grupo ug organisasyon para makaangkon ug igong supply sa dugo ang Philippine Red Cross-Gensan. (Giovanni Pasco)