Imumungkahi ni Pangulong Rodrigo Duterte sa kongreso ang pagbuwag sa PhilHealth.
Ito ay sa gitna pa rin ng kinahaharap na alegasyon ng malawakang kurapsyon ng ahensiya.
Ayon kay Pangulong Duterte, wala ring pera ang PhilHealth sakaling isulong ang pagsasapribado nito.
Sa kabilang banda, sinabi rin ng pangulo na magiging malaking kawalan sa mga Pilipino ang pagbuwag sa PhilHealth.
Dahil dito, nais ng pangulo na i-reorganize o magpatupad ng malawakang balasahan sa ahensiya.
Aniya, kanyang tatanggalin ang lahat ng opisyal at empleyado ng PhilHealth at unti-unti itong itatag muli.