Dili lang gumikan sa pandemya apan pito na ka tuig nga nagpadayon ang Panggamhanan sa Misamis Oriental (PGMO) ubos sa liderato ni Governor Bambi Emano sa paghatag og meal allowance alang ngadto sa mga Boarder Security diha sa Lugait Veterinary Quarantine Stations.
Atol sa virtual nga pagpakayab sa nasudnong bandila sa adlaw nga Lunes, pormal nga gi tun-over ni Dr. Benjamin Resma uban ni Provincial Administrator Atty. Jocelyn Lood-Mateo ang meal assistance nga nagkantidad og ₱ 369,000 alang sa 75 ka mga personahe nga gilangkuban sa 25 ka kapulisan, 27 ka personahe sa PDRRMO, 13 ka miyembro sa Mobile Force ug 10 gikan sa Coast Guard nga anaa nagbantay sa maong quarantine station kon diin matag usa kanila makadawat og tag ₱ 1,000 matag bulan.
Kini pormal sab nga gi dawat ni Police Major Jackson Cabanatan kinsa maoy Officer in Charge-Chief of Police sa Lugait Municipal Police Station uban ni Police Captain Niel Payos kinsa maoy Deputy sa Lugait Municipal Police Station.
Matod ni Dr. Resma nga tumong lamang sa amahan sa lalawigan nga matabangan ang mga frontliners nga dili magutman samtang naghatag og seguridad sa entrada ug exit nga bahin sa lalawigan ug ngani man nidoble karon ang ilang hugot nga pagbantay gumikan sa mga hagit nga gisagubang sama sa Covid-19 ug African Swine Fever.
“Katuyoan ni Governor Bambi Emano nga dili na mag problema ang atong kapulisan nga mag duty kung asa sila mangita og ilang pangan-on sa ilang matag-adlaw labi na sa ilang pag duty.” pasabot ni Dr. Resma.
Sa iyang bagin gipaabot ni Police Major Jackson Cabanatan, kinsa maoy OIC-POC sa Lugait Municipal Police Station ang iyang dakong pasalamat ngadto ni Governor Bambi Emano sa iyang padayun nga pagsuporta ngadto kanila hilabina niining panahon sa pandemya.
“This amount help us a lot especially in this time of pandemic at nakakataas din ito ng morale ng ating mga tauhan doon sa field,” mensahe niini atol sa pagtunol.
Gipadangat niini ang iyang dakong pasalamat kang Governor Bambi
“Sir, once again thank you very much and we will assure you that your police personnel will support all your programs and initiatives and we will do our part to make Misamis Oriental safer to live and in doing business.”
Gibutyag sab ni Atty. Lood-Mateo nga makasiguro ang kapulisan nga kanunay maghatag sa iyang dakong suporta ang amahan sa lalawigan sa ilang mga kalihokan alang sa pagprotehir sa katawhan.
“To our men and women in uniform once again you have the assurance of the good governor that he would always be supporting you in all your endeavors and our gratitude to you for always watching the community, for always being vigilant and for always protecting the people especially in Misamis Oriental.”
Gipakita sa kanunay ni Governor Bambi Emano ang iyang dakong suporta ngadto sa mga tigpatuman sa balaod tungod nakita sa amahan sa lalawigan ang kabililhon sa ilang mga tahas aron mapatunhay ug mapadayon ang kahusay ug kalinaw nga maoy mas gikinahanglan aron magmalambuon ang probinsya sa Misamis Oriental. (Provincial Information Office – MisOr)
