Mihakot og kadungganan ang Public Employment Services Office (PESO) sa Cagayan de Oro bag-ohay lang atol sa gipahigayong Department of Labor and Employment Virtual Year-End Performance Assessment 2020 human naangkon ang ubay-ubay ka mga major ug special awards.
Lakip sa mga nadaugan sa PESO-CDO ang major award mahitungod sa 100% performance rating sa pagpatuman sa ‘Four Core Employment Facilitation Services’ ug uban pang ‘vital programs’ sa maong buhatan.
Gilangkuban sa Referral and Placement; Provision of Labor Market Information; Career Guidance and Employment Coaching; ug Livelihood and Emergency Employment Program Facilitation ang upat ka core.
Dugang pa niini, naangkon usab sa buhatan ang pipila ka mga special awards sama sa:
1) Special citation for its effective and efficient program implementation of SPES kon Special Program for Employment of Students;
2) Special citation for having the highest number of applicants registered, generating 20,514 applicants, and having the most number of vacancies posted, generating 35,740 vacancies for NSRP-PEIS under highly urbanized city for 2020;
3) Special citation for its exceptional performance as partner-stakeholder in the implementation of the DOLE Integrated Livelihood Program-Tulong Panghanapbuhay sa ating Disadvantaged/Displaced Workers Program DILP-TUPAD in 2020.
Personal nga mitunol sa awards si OIC Regional Director -X Albert E. Gutib, Assistant Regional Director Estrella U. Pahalla, TSSD Supervising LEO Arlyn Z. Bael ug Ma. Carlota G. Cabading AO-V of JPB-PESO ngadto kang Mayor Oscar S. Moreno ug PESO Head Kathleen Kate ‘Kitkat’ Sorilla.
Kahinumduman nga sulod sa pipila katuigan, daghang mga pasidungog ang nadawat sa PESO-CDO tungod sa hugot nga pagpaningkamot sa tibuok pwersa sa maong buhatan ug suporta ni Mayor Moreno, Bise Mayor Kikang Uy ug 19th city council. (SP-CdeO)