Gisalmotan sa mga personahe sa buhatan sa Bjmp Dipolog City Jail Male Dormitory ang usa ka mahinungdanon ug tinuig nga kasaulogan sa ika-126 nga Araw ng Kalayaan nga adunay tema nga “Kalayaan,Kinabukasan, Kasaysayan” nga gipahigayon didto sa Orchid Pavilion, Plaza Magsaysay, Dipolog City, niadtong Hunyo 12,2024.
Ang maong programa gisugdan pinaagi sa flag raising ceremony sa Dipolog Museum grounds,ug gisundan sa usa ka commemorative program sa Orchid Pavilion, Plaza Magsaysay, Dipolog City, uban sa welcome message gikan sa Mayor ning dakbayan Dipolog nga si City Mayor Darel Dexter T. Uy ug gitipik ni GEN. CIRILITO E SOBEJANA, PA (RET), Kanhi Chief of Staff sa Armed Forces of the Philippine, diin gisalmotan usab sa 32 ka mga personahe sa Bjmp Dipolog City Jail Male Dormitory ubos sa pagdumala sa City Jail Warden, JCINSP ARVIN DAN R. ug pinaagi ni Asst. Warden, JINSP LARRY C RECAMARA.
Kini nga mga elemento nagdasig sa panaghiusa ug patriyotismo sa mga Pilipino, nag-awhag sa pagpasidungog sa kasaysayan, pagmahal sa kagawasan ug pagtrabaho nga hiniusang padulong sa mas hayag nga kaugmaon alang sa mga Pilipino,nga nagkadugtong nga kinaiya sa nangagi, karon ug sa umaabot sa nasud. (Medalyn U. Borja)
(Source: Bjmp Dipolog City Jail Male Dormitory)