Nasamdan an ulo sanan bali an bukog sa bitiis sa isa ka pedestrian nga nadasmagan sa motorsiklo sa usa ka disgrasya kagabii duol ra sa Caraga Regional Hospital. Nahitabo an aksidente sa Rizal Street , Bonotan, Brgy. Washington, Surigao City sa may alas 10:30 sa gabii, December 22, 2020.
An pedestrian nailhan nga si Junriel Ang Rogador, 25 anyos ulitawo sanan job order Caraga Regional Hospital na taga Purok Upper Bonotan, Brgy. Washington, Surigao City.
Siya nadasmagan sa isa ka blue Suzuki Raider 150 motorcycle na may plate no. 1501-0190492 nga gimaneho ni Jose Shan Tantoy Limjoco, 20 anyos ulitawo sanan estudyante na taga Purok 7, Brgy. San Juan, Surigao City.
Gikan sa City proper an rider paingon sa Brgy. Luna ug sa dihang midangat siya sa Bonotan area sa highway, nadasmagan niya an mitabok na pedestrian. Nawad-an sa control an rider hinungdan nga midasmag kini sa nakapark na maroon Isuzu crosswind wagon na may plate no. XEW 348 tagpanag-iya ni Marcelo Elpedas Bonilla , 45 anyos minyo, government employee na taga Rizal Street, Brgy. Washington, Surigao City.
Sumala sa imbestigasyon sa kapulisan, gidala sa hospital an rider sanan an pedestrian pinaagi sa mirespondeng ERS Personnel sa Surigao City.
An motor impounded sa Surigao City Police Station. (RAL | RPN DXKS Surigao)