Basi kini sa warrant of arrest sa iyang conviction sa Anti Graft and Corrupt Practices Act dihang mayor pa kini sa San Jose Dinagat Island.
May kauban siyang nadakpan tungod sa obstruction of justice.
Si Ecleo gikombikto sab kaniadto sa korte tungod sa kasong pagpatay sa asawa nga si Alona Bacolod Ecleo, kinsa nagpuyo kaniadto sa ilang balay sa Banawa, Guadalupe, Cebu City.
Ang patayng lawas ni Alona gisulod og garbage bag ug gilabay sa kimba sa Coro, Dalaguete.
Giiingong gituok ni Ecleo si Alona January 5, 2002. Ang patayng lawas nakit-an 3 ka adlaw human sa krimen. Nakombikto sa kasong parricide si Ecleo human sa 10 ka tuig o niadtong 2012, ug gihukman sa reclusion perpetua.
Kon kahinumduman, nahimong dugoon kaniadto ang operasyon sa kapolisan pagdakop ni Ecleo tungod sa pagsukol sa iyang private army sa Dinagat Island kaniadto.
Samtang gidakop si Ecleo, gi-massacre sab ang pamilya ni Alona sa Mandaue City.
(Courtesy of DYLA Cebu)