Sikop sa Philippine National Police ang usa ka foreign national sa Dipolog Airport human sa laing kaso sa bomb joke.
Matud pa sa report sa Civil Aviation Authority of the Philippines (CAAP) Area Center 9, ang panghitabo sa bomb joke sa may alas 6 sa buntag kagahapon.
Ang pasaherong lalaki maoy misulti sa iyang asawa sa maong joke nga maoy hinungdan sa iyang pagkasikop.
Ang duruha molarga na unta paingon sa Manila sa dihang nahitabo ang insidente nga pagkomedya sa maong langyaw.
Saysay pa niya nga gipangutana sa mga airport personnel ang pasahero kun unsay sulod sa iyang bag ug mitubag siya nga atomic bomb kini ug wa kini gikahimuot sa mga personnel ug ge report ang iyang mga pamahayag.
Sa maong hitabo gitawag dayon sa mga kawani sa airline ang seguridad isip tumong ug tinguha kanila sa ilang pag-amping batok sa maong bomb joke nga dili maayo nga buhaton isip usa ka pasahero.
Sa maong hitabo nangayo og pasaylo ang nahisgutan nga pasahero apan bisan pa niini nadala sila sa hingtungdan buhatan sa kapolisan alang sa kasong ipasaka kanila. (Angelica T. Obina)
(Source: Dipolog Police Station)