Pari patay sa disgrasya didto sa Negros Oriental

0
8

Nakabsan gyud sa kinabuhi ang usa ka Pari human na dasmag ang gimaniho na motorsiklo sa usa ka dumptruck.

Ang aksidenti nahitabo pasado alas 4:00 sa niaging kadlawon, Hunyo 13, 2023, didto sa National Highway, Brgy. Malusay, siyudad sa Guihulngan, Negros Oriental.

Ang biktima giila sa taga Guihulngan Police Station nga mao si Rev. Father Rexijan Jamito Gargoles, 29 anyos, Parish Priest sa Iglesia Filipina Independente nga nagbasi sa Barangay Hilaitan, siyudad sa Guihulngan, residenti sa Barangay Dauis, dakbayan sa Bayawan, Negros Oriental.

Samtang ang truck gipanag-iya sa LGU sa syudad sa Guihulngan, kinsa gimaneho ni Giddi Estoya Jabel, 48 anyos, menyo, trabahanti sa syudad, nagpuyo sa Barangay Mckinley, Guihulngan City Negros Oriental.

Sa inbestigasyon sa kapulisan nasayran ang maong Pari luwan sa iyang motorsiklo na nagbiyahi pa Norti ug sa pag abot na niya sa naasoy na lugar nakabangga kini sa naka parking nga dumptruck na maoy hinungdan sa iyang kamatayon.

Ang driver sa maong dumptruck gitanggong sa prisuhon para sa tukmang kaso niini.

Photo: Contributed

via Renante Lada

Leave a Reply