Gipamahayag ni Davao City Mayor Sara Duterte-Carpio nga dili angay mabalaka ang mga Dabawenyo sa pagpasulod o pagdawat sa siyudad sa Davao ug international repatriation flights. Karung Hulyo 17, 2021 adlaw nga Domingo sugdan ang pagpasulod o pagadawat ug mga international repatriation flights diin gikabalaka sa pipila nga basin kini maoy hinungdan unya nga mutaas na usab ang kaso sa CoViD-19 dinhi sa dakbayan.
Gipasalig ni Mayor Sara nga paniguruhon sa Davao City LGU lakip usab sa mga concerned national government agencies ang hugot ug striktong pagtuman sa health protocols ngadto sa mga pasahero gikan sa airport hangtud sa isolation area. Dugang sa Mayor nga ipabilin ang mga nahisgutan didto sulod sa napulo ka adlaw kung asa ipailawom sila sa swab tests sa ika-pito nga adlaw ug kung dunay mag-positibo kanila, gilayon usab sila nga dad-on sa lahi nga isolation facility alang sa mga covid-19 positive.
Gi-andam na usab sa City Tourism Office ang mga hotels kung asa mag- isolate ang mga OFW diin sila maoy mobayad sa mga hotel charges. Â Mukabat sa 20 ka mga hotels ang giandam nga dunay 1,079 ka mga rooms alang sa mga pasahero sa repatriation flights. Ang mga Overseas Filipino Workers (OFW) nga mu-abot mag-gikan Dubai, UAE ug Dhaka, Bangladesh sakay kini sa direct flight padulong sa Davao International Airport.
(Source: Davao-City Information Office)
