Pagpasabot Ngano Na Basi Sa Coa Report Ikaunom An Surigao Del Norte Nga Adunahang Probinsiya Sa Pilipinas

Pagpasabot ngano na basi sa Report na tagpagawas nan Commission on Audit (COA) nahimo man na ika unom (6) an Probinsiya nan Surigao del Norte sa listahan nan pinakakwartahan na mga probinsiya sa Pilipinas:

1. An pagsaka nan total assets nan Probinsiya nan Surigao del Norte gikan sa 8.78 Billion Pesos sa tuig 2018 to 16.68 Billion Pesos sa tuig nan 2019 mao an resulta sa pagpaningkamot nan administrasyon ni former Gov. Sol F. Matugas na tagpadajon isab sa administrasyon ni Gov. Lalo Matugas pinaagi sa mga proyekto sama sa:

• Road Networks (mga Provincial Roads) – para mapadali an pag transport nan mga produkto gikan sa ato kaumahan o kadagatan ngadto na sa merkado. Hinoon dili pa kon kumpleto an ato tag tawag na mga “farm-to-market roads” peru hamok nay ato nahimo sa mainland Surigao del Norte ug pati na isab sa isla nan Siargao. Kani na mga kadayanan dako ini na tabang kon magsugod na kita pag boost nan ato “Agriculture, Acquaculture ug Tourism Industries” isip panghulip sa income nan Probinsiya gikan sa mining industry tungod kay an pipila na mga mining companies covered naman ng PEZA Law na kon diin dili na sila magbayad nan Real Property Tax sa Probinsiya; ug
• Provincial economic enterprise facilities sama sa Provincial Sports Complex in Surigao City, Sports Complex in Siargao, Provincial Convention Centers, ug uban pa na makatabang usab pag boost nan ato tourism industry sa Probinsiya para dili ra lamang kita kutob sa water sports tourism in Siargao kon dili pati na isab sa mga world class activities na pwede na pagahimoon dinhi sa ato Probinsiya para maka generate kita nan hamok na income opportunities sa mga Surigaonons especially pagkatapos nan COVID-19 pandemic. Basi sa records nan Philippine Chamber of Commerce and Industry (PCCI), dako na potential an tourism industry sa ato Probinsiya labi na gajod kon ato ma combine an sports tourism with ecotorism o agritourism sa entiro Probinsiya nan Surigao del Norte (both Mainland and Siargao).

2. Para sa kasayoran sa tanan, an mga kwarta na tag gamit paghimo nan ini na mga projects dili kon gikan tanan sa panudlanan nan Probinsiya kun dili an kadak-an niini gikan sa hinatag nan national government isip reward nan probinsiya ug uban pa pinaagi sa pagpaningkamot nan administrasyon ni former Governor Sol F. Matugas na tagpadajon isab nan administrasyon ni Gov. Lalo Matugas.
3. Kani na mga assets dili man ni cash o kwarta sa pagka kuman, peru naka generate na ug maka generate pa ini nan mga income opportunities dili ra lamang sa Probinsiya nan Surigao del Norte kon dili pati na isab sa mga Surigaonons.
4. Pinaagi sa ini na mga proyekto madali nalang nato ma improve an ato Agriculture, Aquaculture and Tourism industries na amoy tagtoohan nan mga business experts na “suitable business industries” sa ato Probinsiya para maka generate nan negosyo ug/o trabaho labi na gajod sa mga Surigaonons.
5. Pinaagi sa pagtinabangay nato mga Surigaonon mahimo na mapalambo nato an ato Agriculture, Acquaculture ug Tourism Industries para amoy rason na mapuslan nato “to the maximum extent” kani na mga proyekto. (Repost from HEALS 911)