Iriga City — Tinagamahan na nin maabot sa 35 milyones pesos kan Regional Project Advisory Board kan Department of Agriculture an pagpapatindog nin bagong slaughter house o bunuan sa banwaan nin Buhi, Camarines Sur.
Ini matapos an ginibong meeting kan RPAB sa regional office kan DA kasu-odma petsa 30 kan bulan na Setyembre 2020.
An modernong bunuan ini makakatabang na maray sa panahon na ini kun sain naglalakop an African swine fever sa pagtaraid na banwaan kan probinsya.
Apuera sa Buhi, 33 pang mga banwaan asin cuidad an nakatalaan man na makinabang kan pondo matapos na tagamahan nin sobra sa sarong bilyon pesos sa pagpapatindog nin modernong slaughter house.
(OIC Melvin Barayoga, RPN DZKI Iriga, photo by LGU Buhi Official Facebook Page)
(Source: LGU – Buhi)