Padayon pa karong giimbistigahan sa kapolisan sa Tagoloan Police Station kung unsay motibo sa pagpusil sa security guard kagahapon mga alas-7:40 sa buntag sa Zone 4, Mohon, Tagoloan, Misamis Oriental.
Kini ang gibutyag ni Police Major Renz Marion Serrano, ang hepe sa Tagoloan PNP kinsa miila sa biktima nga si Franklin Salon, security guard sa Township Condominium construction ug ubos sa Darwin Security Agency nga taga-Dayawan, Villanueva, Misamis Oriental.
Samtang ang kauban niini nga nadala sa hospital mao si Robert Galagnao, ang driver sa motorsiklo kinsa pabilin pang nagpaayo sa hospital ning panahona.]
Nasayran nga angkas ang biktima sa usa ka motorsiklo nga gi-drayban sa iyang kaubang sekyo paingon mouli, dihang kalit silang gipusil sa wala mailang riding in tandem nga naka-motorsiklo.
Dugang pa ni Major Serrano, nga duna na silay persons of interest ilabina nga ang biktima duna nay gikabikil sa nakalabayng mga bulan.