General Santos City – Pagasugdan na sa General Santos City government ang pagpalit og dugang testing kits aron sayon matudlo og ma-isolate ang mga nagpositibo sa coronavirus disease 2019 infections. Atol sa regular session sa Sangguniang Panlungsod, gikumpirma ni Dr. Jorge P. Royeca Hospital chief, Dr. Ryan Aplicador nga nagsugod na ang proseso sa bidding ug awarding alang sa planong pagpalit sa maong mga kinahanglanon.
Una nang giaprubahan sa Sanggunian ang pondo alang sa RT-PCR kits procurement, ilawom sa Supplemental Budget No. 3 “We’ll be procuring testing kits. Sana matuloy po ang awarding mamayang 2:00 PM (September 14) this is after the SB 3 was approved,” ang tipik sa pamahayag ni Aplicador.
Gikumpirma pa sa opisyal nga limitado na lamang ang ginahimong Covid testing sa DJPRH gumikan sa kawadon sa suplay sa test kits. “As to the testing, we stopped the full cycles ng ating laboratory nong September 9. As of now we only do 92-96 tests per days instead of the 100- 200. Number one po, kumunti na ang ating testing kits.” Nasayran nga gumikan sa kawad-on sa maong test kits, napugos karon ang siyudad nga ipadala sa Cotabato Regional and Medical Center ang specimens sa mga Covid cases alang sa confirmatory test.
(Source: LGU-Gensan)