Usa ka “Quiz Bee Competition” ang malampusong napahigayon kabahin sa pag selebrar sa “15th Inter-Government Agency Sportsfest 2024”, didto sa 2nd Floor, Museo Dipolog ning dakbayan, adlawng Byernes, Septiyembre 20, 2024.
Ang maong competition gingunahan sa buhatan sa Civil Service Commission (CSC), diin gisalmotan sa 24 ka mga partisipante nga adunay 3 hangtod sa 5 ka mga miyembro sa matag team gikan sa nagkadaiyang buhatan ning lalawigan sa Zambonga del Norte, kini usa usab kabahin sa selebrasyon sa ika- 15th Inter-Government Agency Sports Fest” nga gisugdan niadtong Septembre 17 ug mulungtad hangtod na sa Septembre 20, 2024.
Nisalmot usab sa maong kalihokan ang dinapit nga mga opisyales sa probinsya sama nila ni CSC Provincial Director, Atty. Jerry N. Mayormita, Atty. Elro Tabiliran sa City Legal Office, uban nila ni Acting City Administrator, Atty. Edwin Prince I. Gonzales ug Atty. Flores May Orosa isip mga judges.
Nagmabulokon ang maong kalihukan ug nahimong mananaog ang LGU-Roxas isip 1st Place, 2nd Place mao ang LGU- Piñan ang nahimong 3rd Placer mao ang division sa DepEd sa dakbayan sa Dapitan. (Medalyn U. Borja)
(Source: Dipolog City Government)