CAGAYAN DE ORO CITY- Gianunsyo ni Mayor Oscar Moreno niadtong Sabado nga ipaepekto padayon ang pagdala sa “Exit Pass” dinhi sa dakbayan tapos kini nakadawat sa Inter-Agency Task Force Against Covid-19. Matud ni Moreno nga ang IATF mitugot sa city government sa pagrequire sa exit passes ubos sa modified general community quarantine status aron kapugngan ang mga tawo sa paggawas sa ilang pinuy-anan bisan walay igong tumong.
Ang paggamit sa exit passes temporary kining naundang human gipailawom ang CDO sa MGCQ.
Si Mayor Moreno nagsulat sa IATF nga tugtan ang syudad sa pagpatuman sa exit passes aron malimitahan ang paglihok sa katawhan sa tinguha nga kapugngan ang pagkuyanap sa virus. Matud niya, ang city government misuporta sa lakang sa nasyonal sa pagsalbar sa ekonomiya apan ipatuman sa gihapon ang mga restrictions tungod sa public health crisis nga gidala sa hulga sa Covid-19.