CAGAYAN DE ORO CITY- Ang Luwas Kagayan Movement nga gilangkoban sa 30 ka mga village chiefs ug sectoral organizations sa syudad ang miquestion sa salary increase sa mga city officials ug sa pagkalangan sa 2nd wave sa food assistance ngadto sa mga barangays kansang mga kapitan gituhuan nga kaalyado sa oposisyon. Matud pa ni Luwas Kagayan Secretary General ug Nazareth Barangay Captain Maximo Rodriquez III nga hangtud sa pagkutlo ning maong report nagpaabot pa sila sa 2nd wave nga distribution.
Ang grupo nagtuo nga tungod sa politika, sila gipasagdan, sila nag-ingon nga ang city government milaktaw kanilang mga barangay nga nailing naa sa oposisyon alang sa 2nd wave distribution of assistance. Ang ilang hangyo nga fair ug just unta ang maong lakang, matud pa ni Rodriguez.
Samtang sa pikas bahin, ilang gikwestyon ang salary increase sa mga City Officials, gikan sa mayor, miyembro sa City Council ug apil na sa mga Department Heads. Inay nga magpaincrease, hatagan nalang unta sa mga incentives ang mga frontliners apil na ang health and medical workers, barangay tanod ug uban pa.
Nanawagan usab sila sa transparensiya apil na ang ilang paghangyo sa proper liquidation sa tanang pundo nga gipadala alang sa Covid-19 response.
