Pagbakuna sa 2nd dose sa Washington covered court wayay klaro na sistema, may palakasan, may singit, wayay priority number, an ulahi nakauna, an una naulahi tungod sa singit.
Doctor na mipahigayon sa final screening nag-inusara lamang samtang taud-taud pa miabot an ikaduha.
Namahayag sa pagkadismaya an pipila ka mga senior citizens sa pagbakuna sa 2nd dose nan astrazeneca kaganihang buntag human an sistema sa pag-screen kanila pausab usab an plastada sa lingkuranan, samtang an ulahi nakaabot nakasingit ug nakauna pa sa unang miabot. Napundo pa ang ilang nahimutangan adisir mokadto sa final screening tungod kay sa sinugdanan nag-inusara lamang ang doctor.
Sa pagsulod sa covered court, an magpa second dose moduol sa nagkupot sa ilang record, dajon mobalhin sa ikaduhang station alang sa pag check sa BP ug uban pang health record. Dinhi waya na masunod an physical distancing tungod kay ang plastada sa mga ingkuranan nag-abot na sa likod nga may mga naglingkod usab nga nagpaabot sa final screening sa doctor nga nag-inusara sa sinugdanan.
Dugangan sa kainit sa venue, pausab usab ang flow sa screening sa second station tungod kay dunay mga higayon nga pausab-usab ang direction sa mga naglingkod, may paderitso apan giusab nga paliko-liko hangtud nga may nakasingit sa lingkuranan. Isa sa mga nag-assist sa seating arrangement sa screening nakabantay nga dunay fixer alang sa pagpasingit sa ingkuranan. Gisagda kini ug giabisohan na molingkod sa bleacher ug dili mag-apil apil sa pila sa mga magpabakuna.
Napahapsay lamang ang dagan sa final screening dihang nakaabot na ang ikaduhang doctor ug napaspas na ang proseso sa screening adisir ang pagpamakuna.
(RPN DXKS Surigao with update from City Health Office)