Usa ka menor de edad na babaye nga gidudahang gi-kidnapped sa Davao City nga taga Valencia City, wala diay kini gidagit kay nakigkita ra diay kini sa iyang uyab!
Nipagawas ug report karun ug opisyal nga pamahayag ang Valencia City Police Station labot sa usa ka babayeng menor de edad nga gikatahong gi-kidnap sa Davao City.
Basi sa natigayong imbestigasyon sa PNP nasayran, nga nilakaw matud pa ang maong menor de edad gikan sa ilang panimalay sa Barangay Kahaponan, Valencia City, Bukidnon ug nibyahe paingon sa Davao City nga walay kasayuran ang ginikanan niini aron makigkita sa iyang hinigugma apan pakyas ang ilang panagsabot sanglit wala nitunga ang uyab niini.
Tungod sa maong hitabo, nakadesisyon matud pa ang dalagita nga muoli sa ilang dapit apan wala na kini ikaplete hinungdan nga naghimohimo nalang kini ug istorya nga gidagit siya sa usa ka puti nga van. (Ernest Villariza)
