Depression ang nag-unang hinungdan sa pagpakamatay sa usaka ulitawo sa Purok 4A, Pindugangan, Barangay Tipanoy, Iligan City.
Giila ang biktima nga 23-anyos, mag-uuma ug residente sa nasangpit nga lugar, kinsang patay nang nakaplagan sa may alas 9:55 sa buntag Hulyo 5, 2024 sa ilaha mismong panimalay.
Subay sa report, nakadawat ug tawag ang mga operatiba sa Police Station 4 mahitungod sa maong suicide incident hinungdan nga dali kining girespondehan sa mga kapulisan ug paghidangat sa gitumbok nga dapit gitabunan na ug puti nga habol ang biktima.
Saysay sa amahan sa biktima nga nakita na lamang daw niya ang iyang anak nga naghikog gamit ang black nylone nga pisi hinungdan sa kamatayon niini ug aduna nay dili maayong baho. Depression ang nag-unang gitumbok nga motibo sa pagpakamatay sa biktima .
Sa pagkakaron ang patayng lawas sa biktima anaa na sa usaka funeral home ning siyudad sa Iligan.
(Source: Pagadian News Daily)