Giturnover sa Zamboanga del Sur Provincial Government adlawng Mierkules, Oktubre 16 ang 42 ka computer sets, usa ka 50 inches Smart TV, ug usa ka Epson L5290 printer ngadto sa ZDSPGC Tukuran Campus aron magamit sa IT-related courses nga gi-offer sa nasangpit nga tulonghaan.
Ang ZDSPGC Tukuran Campus usa sa napulo ka mga campuses nga nakadawat og permit to operate gikan sa CHED kaniadtong bulan sa Agosto ug nagsugod kini og operate kaniadtong September 9, 2024 aron hatagan og oportunidad ang mga kabataan sa Tukuran ug silingang mga lungsod nga makaeskwela og libre sa kolehiyo.
Gipadayag sa mga opisyales sa maong eskwelahan sa pagpanguna ni Ms. Josephine L. Tomboc, ang Campus Administrator ang ilang dakong pagpasalamat ngadto kang Gov. Victor J. Yu ug 1st District Cong. Divina Grace Yu sa maong mga kagamitan nga makatabang sa paglambo sa kalidad sa edukasyon sa nasangpit nga eskwelahan.
(Source: Victory Zamboanga del Sur Facebook page)