Pagadian City – Gitambongan ni Gov. Victor J. Yu ug Vice Gov. Roseller Ariosa ang ika-70 nga selebrasyon sa Araw ng Lison Valley sa Pagadian City, nga gipahigayon uban sa suporta sa mga konsehal sa Team Yu. Ang selebrasyon gipangulohan ni Barangay Captain Joel Babayson kauban sa iyang mga kagawad ug SK officials.
Niduyog usab sa masadya nga aktibidad si Board Member Mapi Obaob ug Board Member Jun Ebarle. Presente usab sa kalihukan si City Councilor Kai-Kai Asugas ug Ex-Officio BM Aiko Yu To kauban si Kapitan Roger Acedillo, Engr. Manny Silla, kanhi konsehal Bien Culve ug Nico Vera Cruz.
Usa sa mga mahinungdanong highlight sa okasyon mao ang pag-abli sa bag-ong Child Development Center nga nahimutang sa Purok Mangga, nga naghatag ug dugang serbisyo alang sa edukasyon ug pag-atiman sa mga bata sa barangay.
Nagpabiling dasig si Gov. Yu sa iyang suporta sa Lison Valley ug nagpasalig sa padayong pakig-alayon alang sa kaayohan ug kalamboan sa mga katawhan sa barangay.
(Source: Victory Zamboanga del Sur Facebook page)