Gipaklaro ni Zamboanga del Sur Provincial Health Officer Dr. Anatalio Cagampang Jr. nga 𝘀𝘂𝘀𝗽𝗲𝗰𝘁𝗲𝗱 𝗰𝗮𝘀𝗲𝘀 lamang ang mga gikatahong kaso sa Chikungunya virus sa Zamboanga del Sur tungod kay gibase lamang kini sa gipakitang sintomas sa mga pasyente ug wala pa’y confirmatory test results.
Kini human nga mareport sa tinubdang nasyunal nga adunay 218 ka mga kaso sa Chikungunya ang natala sa lalawigan gikan Enero hangtod Hulyo ning kasamtangang tuig.
“Ang nahitabo sa atong mga kaso sa Chikungunya gibase nila (IPHO) sa signs and symptoms nga mo-fit gyud sa maong viral disease,” kini sumala ni Dr. Cagampang.
Sumala sa World Health Organization, ang chikungunya usa ka mosquito-borne disease sama sa dengue.
Pagpasabot ni Dr. Cagampang nga pareho lamang og symptoms ang dengue ug chikungunya sama sa high-grade fever, joint pains ug rashes apan ang kalainan nila makita lamang sa resulta sa laboratory test.
Dugang pa sa Provincial Health Officer nga ang confirmatory test sa chikungunya pinaagi sa polymerase chain reaction (PCR) test diin ihatag ang mga samples didto sa Research Institute for Tropical Medicine (RITM). Apan sa kadugay nga maabot sa lab results, gikonsiderar na lamang sa health authorities nga chikungunya ang kondisyon sa pasyente pinaagi sa nitumaw nga mga sintomas.
Apan bisan pa man nga mas delikado ang dengue kaysa chikungunya, giabisohan ni Dr. Cagampang ang publiko nga dili gihapon magkompyansa kung adunay nabati sa mga nasangpit nga sintomas sa pagpa-checkup gilayon sa pinakaduol nga health center o hospital.
Giawhag usab niya ang tanan sa pagsunod sa 5S to combat dengue/chikungunya sama sa search and destroy, self-protection, seek early consultation, support fogging and sustain hydration.
(Source: Victory Zamboanga del Sur)