Pagadian: Empleyado sa city mayor’s office dakpan sa kapulisan tungod sa paghupot og armas

0
158

Zamboanga del Sur – Sikop sa owtoridad ang usa ka lalaking Empleyado sa Pagadian City Mayors Office homan makwaan og armas sa dihang miagi sa Comelec Check point sa may National Highway, Barangay Upper Campo Islam, Labangan, Zamboanga Del Sur alas 12 kapin kon kulang ning adlaw nga Biyernes.

Visit RPN DXKP Pagadian

Ang suspect naila nga si Arsenio Silao Raterta, 35 anyos, minyo empleyado sa City Government og residente sa Purok Magpes, Barangay Alindahaw, Tukuran, Zamboanga Del Sur. Nakuha gikan sa posesyon sa suspek ang usa ka caliber sa 45 pistol nga adunay serial no. 315423 og usa ka magazine nga kargado sa 7 ka buhing bala.

Matud sa Labangan MPS nga samtang gapahigayon kini og Comelec Check Point kauban ang 53rd IB aron maimpusar ang Election Gun Ban, miagi ang suspect gikan Tukuran Padulong Pagadian City sakay sa Honda XRM, kolor pula nga anaay combinasyon sa kolor puti og nagdala sa plaka numero 36271 IB nga narehistro sa pangalan ni Rhyan A. Manugas.

Hisayran nga pag-abot sa checkpoint sa suspect nabantayan sa mga kapulisan ang tshirt nga adunay handgrip sa pistola ang nakatago, gi mandoan sa PNP ang lalaki nga ipasaka ang tshirt og didto nakita ang armas nga nakabutang sa hawakan niini og dalo usab ali kining gikuha sa kapulisan. (Wendel Cabrera, photo courtesy of ZDS-PNP)

Leave a Reply