Duha ka individual sikop sa otoridad atol sa drug buy bust operation sa lungsod sa Molave.
Nasikop sa mga otoridad ang duha ka indibidual human makuhaan og droga atol sa buy bust operation pasado alas 7:10 kagabii, Marso 10, 2024 sa may Purok Gumamela, Brgy. Makuguihon, Molave, ZDS.
Naila ang mga suspect nga sila alyas Ar Ar, 26 anyos ug Mark, 28 anyos usa ka mag-uuma ug parehong lumulopyo sa lungsod sa Labangan, ZDS.
Mokabat sa 5 ka gramo sa gikatoohang shabu ang narekober sa kapulisan ngadto sa suspect lakip na ang isa ka gamay’ng pakiti sa buy bust nga adunay gibana banang market value nga 34,000 pesos kapin kon kulang.
Ang maong operasyon nagmalampuson pinaagi sa hiniusang pwersa sa kapulisan sa Molave MPS headed by PMAJ Harry R. Velez, ACOP kauban ang ZSPPO PDEU, Aurora MPS, ZSPIU ug Josefina MPS.
Kasamtangan ang dinakpang mga suspect temporaryong nakadetina sa Molave MPS samtang gihikay pa ang kaso batok kanila sa paglabag sa RA 9165. (Bogs Cabungcag – RPN Pagadian)