Zamboanga del Sur – Pasado sa gipahigayon nga Deliberation of the Regional Oversight Committee of Barangay Drug Clearing Program ang 17 ka mga Barangay gikan sa 6 ka Municipyo nga sakop sa Lalawigan Zamboanga del Sur kagahapong adlawa sa may Maguindanao Hall, Dao Complex Pagadian City.
Matud pa nga nahimong nang Drug Clear ang Barangay Acad, Cebuneg, Monte alegre og Barangay Romarate sa Lungsod sa Aurora. Drug Clear na usab ang Barangay Legarda 3, Lower Dimaya og Old Mirapao sa Dinas, Barangay Dagohoy sa Guipos, Barangay Danganan, Pampang, San Jose, Sayog, Tabon og Tipasan sa Lapuyan, apil usab sa nahimong Drug Clear ang Barangay Manga sa Pagadian City og Barangay Santo Rosario sa Ramon Magsaysay Zamboanga del Sur.
Hisayran nga ang maong panagtigom gipangunahan sa Provincial Government sa Zambaonga del Sur, Provincial Drug Enforcement Agency, Department Of Interior and Local Government, Zamboanga Del Sur Provincial Police Office og sa Department OF Health, nga gitambongan sa mga Barangay Officials, Chief Of Police ingun man Mayor sa mga nagkandaiyang Lungsod.
Giklaro ni Police Colonel Eduardo Mallo, Assistant Regional Director sa PNP nga kinahanglan maghimo og konkreto nga programa nga makatabang dili lang aron makahibalo apan aron usab nga adunay ika sustain sa galastuhon ang mga drug surrenderees sa ilang adlaw-adlaw nga pagkinahanglan, og dili lang puro pagpananum ang itudlo ngadto kanila.
Dugang pa ni ARD Mallo nga kinahanglan pangitaon ang ang kadtong tinuod nga nakasala og dili pwedi nga magbutang-butang lang og pangalan aron lamang sa Personality Gain tungod luoy ang mga indibidwal nga inocente og madawit lang. (Wendel Cabrera)