Pag-angkat ng karne ng baboy kinakailangan na —PCCI

Kailangan na ng Luzon na mag-angkat ng karneng baboy dahil sa epekto ng African Swine Fever (ASF).

Ayon kay Philippine Chamber of Commerce And Industry (PCCI) Dir. Roberto Amores, matindi na kasing apektado ang suplay ng karneng baboy sa Luzon.

Dahil dito, sinabi ni Amores na panahon na para mag angkat ng suplay ng karne sa mga lugar o bansang walang kaso ng coronavirus disease 2019 (COVID-19) upang mapatatag ang presyo ng karne sa bansa.

Matatandaang noong setyembre ng nakaraang taon pa nang kumpirmahin ng Department of Agriculture (DA) ang pagpasok ng ASF sa Pilipinas kung saan isinisi naman ito sa inangkat mula China.