P900K Pundo alang sa scholarship program sa City College gitunol ni Senator Bong Go

0
4

Cagayan de Oro – GIKALIPAY sa pamunoan sa City College of Cagayan de Oro – Technical Skills and Technology Institute (TSTI) ang gihatag nga pundo ni Senador Bong Go nga balor og P900,548 bag-ohay lang.
Ang maong pundo gitakda alang sa Training for Work Scholarship Program (TWSP) ubos sa Technical Education and Skills Development Authority (TESDA) alang sa buot mokuha og skills training sa City College of Cagayan de Oro TSTI.
Ang pundo gitagana alang sa 20 slots nga nagtumong mga mas modaghan pa ang makapahimulos sa technical skills sa tinguha nga matabangan ang mga anaa sa kalisod nga makabaton og dugang kahanas pinaagi sa pagpamanday ilabina sa natad sa Shielded Metal Arc Welding (SMAW) NCI & NCII.
Gisugdan na niadtong Abril 2024 ang first batch sa napiling beneficiaries sa TWSP ug sa Hunyo ning tuig na usab alang sa second batch.
Subay niini, dako ang pasalamat sa city college sa pagpangulo ni Dr. Jestoni P. Babia, presidente sa city college, ubos sa administrasyon ni Mayor Rolando “Klarex” Uy kang Senator Bong Go sa iyang pagbubo og pundo alang sa kausbawan sa panginabuhian sa Kagay-anons.

 

News and photo by CIO CDO

Leave a Reply