Cebu City-Wala pa mosurender si kanhi Cebu City Mayor Tomas Osmeña sa iyang pakigbisog labot sa pagbaligya sa luna sa SRP o South Road Properties.
Nahinabi sa media, si Osmeña mitug-an nga nangita pa siyag paagi nga mabaraw ang uwahing ruling sa korte nga mibasura sa kasong iyang gisang-at aron unta pagpakgang sa pagbaligya sa kapin sa 20 ka ektaryang lote sa SRP ngadto sa pipila ka developers lakip sa SM-Ayala consortium.
Nagkanayon ang kanhi mayor nga wa pa gyod niya mabasa ang tibuok apan nakigbisog siya sa SRP sud na sa 25 ka tuig.
Iyang gipasiatab nga kon dili pa tungod niya, wala untay SRP karon sa siyudad.
Sa nasayran, ang RTC br. 10 sa dakbayan misalikway sa declaratory relief ug sa TRO o temporary restraining order ug writ of preliminary injunction nga gipangayo ni Osmeña.
Lakip sa iyang gireklamo mao sila si Mayor Edgardo Labella, City Council, SM Prime Holdings Inc., Ayala Land Inc., Cebu Holdings Inc., Filinvest Land Inc., Filinvest Alabang Inc., Cyberzone Properties Inc., Anesy Holdings Corp., Igold Holdings Corp. ug Betterfield Phil. Corp.
Suma pa ni Presiding Judge Soliver Peras, walay legal standing si Osmeña pagkuwestiyon sa transaction isip magbubuhis, constituent o kaha kanhi mayor. l via Jhon Tadlip/ JTY
Source: RTC Branch 10
: Former Mayor Tomas Osmena
Photo: Wikimedia Commons/net