Cebu City – Mibalik ang biyahe sa fast ferry nga Ocean Jet sugod karong adlawa, Marso 16, nga adunay rota nga Ormoc-Cebu ug vice versa.
Apan tungod sa gipatumang minimum health protocol, kinahanglang magsul-ob ang tanang pasahero og facemask ug face shield.
Gawas niana, katunga ra usab sa kapasidad sa barko ang makasakay base sa mando sa DOTr o Department of Transportation ug sa tagduma sa ferries.
Segun sa tinubdan, gi-adjust usab ang pletehan diin ang tourist ug open air tag-₱ 900 samtang ang business class tag-₱ 1,200.
Subay sa schedule, ang Ocean Jet mobiyahe gikan sa Ormoc padung sa Cebu sa alas 5 sa hapon ug alas 6 sa buntag pod sa Cebu ngadto sa Ormoc matag adlaw.
Apan kon maayo na ang dagan sa panahon o minos na og hulga sa covid 19, ibalik na sa Ocean Jet ang ilang schedule.
Kadtong ganahang molawig gikan sa Cebu padung sa Ormoc mahimong moparehistro lang sa www.safeormoc.com para sa QR code.
Gitataw sa tagduma nga adunay ipahigayong body temperature checking sa pier ug QR code ra ang pangitaon pagdunggo sa pantalan sa Ormoc. (Jhon Tadlip/JTY)
(Source: Department of Transportation | safeormoc.com , photo courtesy of Cebu Port Authority)