Cebu City – Miabot na og 12,766 ka mga healthcare workers sa Central Visayas ang nadapatan sa unang dose sa CoronaVac hangtod niadtong Sabado, March 13, o kapin sa usa ka semana gikan sa pagsugod sa rollout.
Gipahibawo sa Department of Health o DOH-7 gahapon nga nakatala sila og success rate nga 45.33 porsyento sa pag-immunize sa mga healthcare workers nga anaa sa priority list sa vaccination drive sa gobyerno.
Suma pa sa tigpamabasa DOH-7, Dr. Mary Jean Loreche, 14 ka ospital na sa rehiyon ang nahuman sa inoculation sa unang vial sa CoronaVac, ang bakuna nga gama sa Sinovac sa China.
Base sa talaan sa DOH-Central Visayas, 54,640 ka healthcare workers ang kwalipikadong modawat sa bakuna nga libre.
Matod ni Loreche, nagkinahanglan ang rehiyon og 130 mil ka doses sa bakuna para sa duha ka pagdapat sa tanang 54,640 ka healthcare personnel.
Midugang siya nga aduna silay 58,162 ka doses sa bakuna sa Sinovac ug AstraZeneca busa hapit na sila makatunga sa target.
Apan nagpaabot sila og dugang bakuna nga mangabot sa dili pa matapos ang Abril. (Jhon Tadlip/JTY)
(Source: Department of Health-7, photo courtesy of Philippine Information Agency)