Anaa sa 923 ka mga indibiduwal ang napahimanguan sa mga personahe sa General Santos City Police Office, dungan sa gilunsad nga Oplan Kabalikat o KApulisan at BArangay Laban sa Illegal na droga, Kriminalidad at Terorismo, ning Domingo, July 25.
Lakip sa mga natala nga bayolasyon sa mga nahisgutan ang paglapas sa gipatumang health protocol sa siyudad, taliwala sa padayong bahad sa Covid-19.
Partikular dinhi ang 121 nga wala nagsul-ob og facemask, 106 sa paglapas sa social distancing, 200 sa “no face shield” ug 154 sa wala pagtuman sa “no movement Sunday” policy.
Una nang gipamahayag ni GSCPO chief, P/Colonel Gilberto Tuzon, tumong sa bagong lunsad nga programa ang aron mapakusgan ang mga kampaniya sa kapulisan aron magpabiling hapsay, malinawon ug luwas ang siyudad sa bahad sa Covid-19 ug security threat.
“The purpose of the activity was to suppress threat and to thwart lawless elements within the area of General Santos City. It also aims to implement public minimum health standard protocols, as stated in the EO 30, issued by the local government of General Santos City,” ang tipik sa pamahayag ni Tuzon.
(John Rey Somido, file image | GSCPO chief, P/Colonel Gilberto Tuzon)