Radio Philippines Network
DYKC Cebu News Provincial News

Opening Salvo Sa Misa Nobena Sa Pista Senor Gibuksan Karong Adlawa, Mga Manimbahay Nga Gikan Sa Lagyong Lugar Gidasig Nga Anha Na Lang Motan-Aw Sa Live Streaming

Cebu City – Gibuksan karong adlawa ang opening salvo sa misa nobena sa Pista Senor 2021.

Gidasig ang mga manimbahay gikan sa lagyong mga lugar nga dili nalang idayon ang ilang plano pag-adto sa Basilica Minore Del Sto. Niño sa Pista Senyor ug motan-aw nalang sa live streaming o sa internet sa misa nobena.

Gianunsyo sa mga organizers sa pangilin ning tuiga nga limitado ang gidaghanon sa makatambong sa sud ug gawas sa simbahan matag misa.

Atol sa virtual presscon, si Col. Josefino Ligan, director sa CCPO o Cebu City Police Office, mitug-an nga adunay mga distancing markers nga ipahimutang gawas sa vicinity sa basilica isip giya sa mga tawo nga manambong sa misa nobena.

Suma pa ni Ligan, kon mapuno na ang mga timaan, wala nay laing pasudlon ug tambagan na lang nga mamauli.

Possible usab nga ilang serhan ang kadalanan palibot sa simbahan aron pagkontrolar sa mga tawo.

Gipahibawo sab sa opisyal sa CCPO nga labing minos 500 ka polis ang ipakatap duol sa Basilica aron pagpatuman sa health protocols.

Taliwa sa hulga sa coronavirus disease, ang Pista Senyor karong tuiga magpadayon nga walay mga kalihokan sa gawas sama sa Penitential Walk with Jesus, Penitential Walk with Mary, Traslacion, Fluvial Procession, Reenactment, ug Solemn Foot Procession aron kalikayan ang pagdasok sa tawo. (Jhon Tadlip/JTY, photo courtesy of Basilica Minore Del Sto. Nino)

(Source: Cebu City Police Office)

Related posts

Son burns ma

RPN News

Gov. Lalo Matugas Signed Into Law, Provincial Ordinance No. 12

RPN

Officers Of Socorro People’s Association Federation

RPN