Un persona mas buscada na Region 10 el ya aresta mga autoridad na un operacion de aplicacion de ley na provincia del Zamboanga del Sur, asegun con el policia del Sabado.
Si Police Brigadier General Bowenn Joey Masauding, el director del mando regional del policia o Police Regional Office-9 (PRO-9), ya identifica con el arestao persona mas buscada na Region 10 como si Jimmy Balaba, 45 años el edad, un obrero y un residente del Purok 3, Barangay Silae, ciudad de Malaybalay, provincial de Bukidnon.
Si Masauding ya habla, con Balaba ya aresta na un operacion de aplicacion de ley por medio de servi’r orden de aresto mga alas 4:55 del Martes tarde, na Barangay Tuboran, Mahayag, Zamboanga del Sur.
Con Balaba ya aresta el combinao grupo del policia de Mahayag, Zamboanga del Sur y del ciudad de Malaybalay na provincia del Bukidnon.
Si Masauding ya habla, si Balaba tiene pendiente orden de aresto por el crimen de 10 cuentas abuso carnal y estatutorio abuso carnal sin recomendao piansa que ya dale el un corte na ciudad de Malaybalay.
Asegun con Masauding, con Balaga ya lleba na estacion del policia na municipio del Mahayag para el propio documentacion y despues ya entrega na custodia del mga personajes del policia del ciudad de Malaybalay para el propio disposicion.
Si Masauding ya alaba con el esfuerzo del policia del Police Regional Office-10 y del Mahayag, Zamboanga del Sur, que ya resulta na exitoso aresto de Balaba, el numero dos persona mas buscada na Region 10. (B. Garcia)