Nahiagum sa daghang samad pinusilan ang isa ka membro sa NPA nga maoy hinungdan sa iyang kamatayon sa nahitabong engkwentro kahapon sa hapon didto sa Sitio Pingaping, Brgy. Motorpool, Tubod, Surigao del Norte.
Sumala pa sa exclusive interview sa RPN DXKS Surigao ngadto ni Lt. Col. Ryan Charles Callanta, Battalion Commander sa 30IB, nagka-engkwentro ang iyang tropa sa nakapwestong mga NPA nga gipangulohan ni Ka JD o Alberto Castañeda sulod sa 25 minutos.
Napurohan sa pagkaigo an isa ka kaaway sa gobyerno nga nailhan dayon basi sa mga kanhi rebelde nga nagsurrender, siya mao si Christopher John Trugillo, 41 anyos under graduate sa electrical engineering, taga Brgy. Quezon, Surigao City.
Si Trugillo taud taud nang aktibong sakop sa NPA diin siya usa ka political instructor.
Kaganihang alas 2 sa kaadlawon, Mayo 13, 2021 gikuha ang iyang patay’ng lawas sa iyang igsoon dihang kini gihaya sa Arpilleda Funeral Homes sa Taganaan.
(Radyo Ronda Balita RPN DXKS Surigao exclusive report)
