Sarangani Province – Gikumpirma mismo ni Alabel Municipal Mayor Vic Paul Nonoy Salarda atol sa pagpakighinabi kaniya nga nagpositibo kini sa covid-19.
Sumala pa sa mayor nga nakuha matud pa kini niya ang maong virus basi na usab sa gipahigayong contact tracing , sa diha matud pa nga adunay mibisita kaniya nga usa ka foundation alang sa ilang mga programa.
Sumala pa niini nga Mayo 3, sa dihang mi-courtesy sa iyang opisina ang maong foundation kung asa usa mga bisita ang asymptomatic.
Dugang pa sa maong alkalde nga adlawng Huwebes Mayo 6 sa dihang nagsugod na ang hilanat niininug pagka Biyernes nawala na ang panlasa niini. Gilayon usab nga nagpaswabtest ang alkalde kung asa migula nga positibo kini sa covid-19.
Samtang lakip sa nagpositibo mao ang asawa sa mayor ug ang municipal accountant niini.
Hinuon gikumperma usab ni Mayor Salarda nga wala kini maadmit sa hospital kondili nag isolate lamang kini sa ilang isolation center.
Gikumperma usab niini nga balik na sa normal ang trabaho sa Alabel mayors Office human sa gipahigayong disinfection.
Subli usab nga nagpahimangno ang alkalde sa tanang Alabelians nga mag amping kanunay. Kung wala man lang importanteng tuyo sa gawas mas maayo matud pang magpuyo na lamang sa panimalay.
Samtang nagpahinumdum usab kini sa mga katawhan sa Alabel nga tumanon kanunay ang mga non pharmaceutical intervention sama sa pagsuot ug facemask ug face shield ug kanunay nga paghugas ug kamot. (John Rey Somido)