Ang operatiba sa PDEG SOU 9 kauban ang Sindangan Municipal Police Station ug Zamboanga del Norte Provincial Drug Enforcement Unit nipahigayon og drug buy bust operation sa Purok Umbrella, Brgy. Nipaan, Zamboanga del Norte ala 1:15 sa kaadlawon niadtong Mayo 2, 2023.
Ang operasyon miresulta sa pagkasikop ni Gladys Baunillo Gulle, 36 anyos, ulitawo, walay trabaho, residente sa Bryg Disud Sindangan Zamboanga del Norte; Marjon Balios Purton, 37 anyos, ulitawo, walay trabaho, residente sa Ramon Magsaysay, Sindangan Zamboanga del Norte; ug Alecia Cadungug Baunillo, 55 anyos, walay trabaho residente sa Brgy. Disud, Sindangan, Zamboanga del Norte.
Nasakmit atol sa operasyon ang 14 ka sachet sa gituohang shabu nga gibana-banang motimbang og 10 gramos ug standard nga presyo sa drugas nga PhP68,000.00, usa ka bulto sa boodle money nga naglangkob sa usa ka piraso nga tinuod nga PhP500.00 nga bill nga gibutang sa ibabaw sa boodle money nga gigamit isip buy- bust money, duha ka unit sa cellular phone sa managlahing brand, usa ka coin pierce, 14 ka rolled aluminum foil, pitaka, usa ka unit nga Suzuki raider 150 ug usa ka unit nga Honda Click 125.
Giila ang mga suspek nga notadong tigbaligya og drugas sa Sindangan, Zamboanga del Norte. Gidala sa Sindangan Municipal Police Station ang mga dinakpan ug nakuhang mga ebidensiya alang sa dokumentasyon ug tukmang disposisyon.
Source: PNP PRO 9
